Nuestros Servicios - suhiltzaileak
Elikatze Ponpa Astuna
Sutearen kontra azkar eta zuzenean borrokatzeko lanak egiteko ibilgailua, edota beste ibilgailu bat elikatzeko lanetan jardutekoa, erasorako edo lehen ekintzarako ibilgailuak baliabidez hornitzeko.
Ur edukiera 7000 litro eta 9000 litro bitartean dabil, eta apar-hauts edukiera 150 litro da.
Garraio Astuneko Unitatea
Kutxa bat baino gehiago dituen ibilgailu berezia, tamaina edo pisu handiko materialak edo tresneria garraiatzeko dena, eta edukiontzi mota desberdinekin erabiltzeko aukera ematen duena.
Nuklearra, Bakteriologikoa eta Kimikoa
Salgai edo produktu arriskutsuak dauden istripuetan erreskate, salbamendu, babes, deskutsadura eta hurbiltze lanak egiteko eta gaiak ontzialdatzeko ibilgailua.
Giro kaltegarri, arrarifikatu edo kutsatuetan egin beharreko lan edo eragiketetarako erabiltzen da.
Babes kimiko edo erradioaktiboko jantziak, arnas aparatua babesteko ekipamenduak eta produktu arriskutsuak ontzialdatzeko eta ihesei eusteko ekipamenduak dauzka.
Askotariko salbamendurako furgoia
Errepidean salbamendu, erreskate, ebakuazio eta laguntza lanak egiteko ibilgailua. Ibilgailu astun edo arin baten gainean muntaturik joan daitezke.
Harrapatutako pertsonak erreskatatzeko materiala dauka, zama handiak garaiera txikietara igotzekoa, kea dagoenean sutara hurbiltzekoa, gai kimikoen isurketa edo ihesik izatekotan egin beharreko jardunetarako, eskora txikiak eta larrialdiko zurkaizteak egitekoa, zuhaitzak kentzekoa, etab.
Buruzagitza Unitatea
Esku-hartze burua eramateko ibilgailu lagungarria.
Pertsonal Unitate Mistoa
Pertsonala ordezteko eta material osagarriz hornitzeko erabiltzen den ibilgailu lagungarria.
Basoko Ponpa Astuna
Basoko suteak itzaltzeko ibilgailua, suaren kontra borrokatzeko agente itzaltzaile egokiez hornitua. Haren elementuen artean, nabarmentzekoa da sute ponpa edo ponpatze sistema, agente itzaltzaile bakoitzari egokitua, ura, aparra, hautsa etab. xurgatu eta bultzatzeko funtzioak betetzen dituena, bai eta biltegi-zisterna bat ere, non mota desberdinetako agente itzaltzaileak gordetzen baitira.
Autoponpen bidez, agente itzaltzaileak jaurti daitezke zisternatik bertatik, hornidura sare pribatu nahiz publikotik, beste ibilgailu batetik edo zuzenean ponpatik hartuta.
Ur edukiera 3500 litro da, eta apar-hauts edukiera 150 litro da.
Landako Ponpa Astuna
Hiri, landa eta industria suteak itzaltzeko ibilgailua, suaren kontra borrokatzeko agente itzaltzaile egokiez hornitua. Haren elementuen artean, nabarmentzekoa da sute ponpa edo ponpatze sistema, agente itzaltzaile bakoitzari egokitua, ura, aparra, hautsa etab. xurgatu eta bultzatzeko funtzioak betetzen dituena, bai eta biltegi-zisterna bat ere, non mota desberdinetako agente itzaltzaileak gordetzen baitira.
Autoponpen bidez, agente itzaltzaileak jaurti daitezke zisternatik bertatik, hornidura sare pribatu nahiz publikotik, beste ibilgailu batetik edo zuzenean ponpatik hartuta.
Ur edukiera 3000 litro eta 3500 litro bitartean dabil, eta apar-hauts edukiera 150 litro da.
Mota honetako Ibilgailuak eraisketa, argikuntza, seinaleztatze eta salbamendu lanetarako ere erabiltzen dira.
Auto-eskailera automatikoa
Leku garaietan erreskate, ebakuazio eta itzaltze lanak egiteko ibilgailuak, airean edo leku garaietan laguntza, salbamendu eta ebakuazio eskeko deiei erantzuteko eta pertsonak, animaliak edo ondasunak artatzeko ekipamendu eta materialez hornituak.
Eraikuntzak ikuskatzeko eta saneatzeko lanetarako, higiezinetako ateak eta sarbideak irekitzeko, eta biktimak eramatean osasun zerbitzuekin elkarlanean jarduteko ere erabil daitezke.
Aukera ematen du hiru mugimendu egiteko: igo eta jaistekoa, luzatu edo biltzekoa, eta bi noranzkoetan bira osoa egitekoa.
Gehieneko lan garaiera 22 eta 32 metro bitartean dago. 200 eta 300 kg zama bitartean dagoen lan plataforma bat dauka.
Pertsonala eramateko Unitatea
Pertsonala eramateko ibilgailu lagungarria.
Moto-bonba atoia
Unitate mugikorra, ur emari handiko bonba zentrifugoa duena.
Askotariko atoia
Konpartimentuetan banatutako unitate mugikorra, materilen eta taldeen multzo mistoa garraiatzeko, zerbitzuetarako eta ezbeharretarako.
Salbamenduko Txalupa
Ur inguruetan erabiltzen den unitate mugikorra, salbamendu eta erreskate operazioak burutzeko, eta lakuetan, ibaietan edo urtegietan, edota inspekzioak, kontrolak eta babes lanak egiteko.