Udalekuak - suhiltzaileak
Nori zuzendua dago?
Campusa 18 eta 30 urte bitarteko emakumeei zuzenduta dago (1996tik 2008ra bitartean jaiotakoak).
HELBURUA:
Suteen prebentzio eta itzaltzearen eta salbamenduaren mundua emakumeengana
hurbiltzea. Lanbidearen inguruan dauden estereotipoak berrikustea eta generoarekin,
estereotipoekin eta rolak eta sinesmenak gainditzearekin lotutako dinamikak egitea.
ZER EGINGO DUGU?
Hainbat jarduera egingo ditugu: entrenamendu fisikoak, dinamikak eta talde-jolasak, genero-estereotipoei eta ahalduntzeari buruzko gogoeta egingo dugu modu ludiko eta interesgarrian, suhiltzaileen parkea bisitatuko dugu, suteak itzaltzeko maniobrak egingo ditugu, istripua izan duten pertsonei osasun-arreta emango diegu, trafiko-istripuetako erreskateetara hurbilketa egingo dugu....
Jarduera guztiak seguruak, gainbegiratuak eta arriskurik gabekoak izango dira. Agertokiak segurtasun-egoeran simulatuko ditugu. Nolanahi ere, parte hartzaile guztiek istripu- segurua izango dute.
NON ETA NOIZ:
Emakume, zu ere suhiltzaile Campusa uztailaren 3an, ostirala, hasiko da, 16:00etan, eta uztailaren 5ean, igandea, 20:00etan bukatuko da.
Arabako Langraitz Oka herrian izango da. Langraitz Okako Menesianoseko aterpean ostatu hartuko dugu eta jarduerak aterpetxean zein Langraitz Okako Suhiltzaileen Arabako Suhiltzaileen egoitzan egingo dira. Parte-hartzaileentzat ez da kosturik izango.
Aterpetzxean pentsio osoa izango dugu eta logela taldekoetan lo egingo dugu.
ZER ERAMAN:
Beharrezkoa izango da arropa erosoa eta zikin daitekeena eramatea; kiroletarako arropa eta oinetakoak; higienerako tresnak; toalla; lo egiteko zakua eta gozatzeko eta jende berria ezagutzeko gogo handia.
IZENA EMATEKO EPEA:
Ekainaren 7a arte
Izena emateko hurrengo estekan izena eman beharko duzu.
30 partaide egongo dira, gehienez.
Hautaketan Arabako neskek izango dute lehentasuna eta, beharrezkoa izanez gero, zozketa bidez egingo da.
ANDREA AJA MARURI
Campuseko koordinatzailea
CAMPUSEAN ARITUKO DIREN PROFESIONALAK:
Campuseko koordinatzailea Andrea Aja Maruri izango da. Gizarte Hezitzailea eta Gorputz Hezkuntzako Irakasle Diplomaduna, Aisialdiko zuzendaria, Emakumeen eta Gizonen arteko Aukera Berdintasuneko agentea eta Suhiltzaile profesionala 2018tik.
Jarduerak hainbat zerbitzuetako emakume suhiltzaile profesionalek (Vitoria-Gasteiz, Nafarroa, Castelló eta enpresetakoak), Osakidetzako erizanek, gizarte-hezitzaileek eta entrenatzaileek dinamizatu eta erreztuko dituzte.
ANTOLATZAILEA
Arabako Foru Suhiltzaileak Erakunde Autonomoa, SUTAUR Emakume Suhiltzaileen Elkartearekin lankidetzan
Arabako Suhiltzaileen Zerbitzua babeslea da.
